دامؤن

دامؤنˇ ویرش

دامؤنˇ ویرش

دامؤن

۴ مطلب در فروردين ۱۳۹۴ ثبت شده است

همه چێ وێ سرˇ دؤر وپێته دبؤ. اوتاقه تأرئمی بئیته بؤ. راجز واترزˇ صدایه ایشتؤسه شأس گه خؤندبؤ:

By the grace of God Almighty
And pressures of marketplace
The human race has civilized itself

آبۊشکه جێ بێرۊنه فندرست. دریا شۊرش بؤ. چنته کاکایێ تۊرˇ وا مئن هخسأ دبۊن پێش بشۊن ولی تۊرˇ وا اۊشؤن پس زأ.

We've got a warehouse of butter
We've got oceans of wine
We've got famine when we need it
We've got a designer crime
We've got Mercedes
We've got Porsche
Ferrari and Rolls Royce
Yeah
We've got a choice

پابلۊسه تشاگۊد. یته هکشێ کام بگێت.

هی مۊشت گۊد. خۊ گازه هی گێربهگێر دأ. هێسأ مننێس. پۊشتێیه تکأدأ. خۊ سره بنأ پۊشتێ لبه سر.

We cower in our shelters
With our hands over our ears

یته دئ کام بگێت. سقفه چۊشم بدۊت. پابلۊس وێ دسˇ جێ بکت. وێ گردن لسابؤ.

It's a miracle

 

۱ نظر موافقین ۰ مخالفین ۰ ۲۶ فروردين ۹۴ ، ۱۴:۴۰
دامؤن

چهره نوأ لالابؤن؟

وختی تا گب زنی همه' قار گیره

وختی تا گب زنی سردˇ گب تی سر هوار بۊنه

وختی تا گب زنی زرخ نگا تی کۋن خۊله' سۊجأنه

هۊن بئتر گه لال وکی ؤ دئه چیزی نؤگی

نهویره بلا لشکر تی سر فۊخۊسه

هۊن بئتر گه را دکی ؤ تنایی، تاریک شؤ مئن، ظۊلماتˇ مئنأجی دواری

شاید سۊأینه فندری

شاید کۊکئه تهره خۊ همرأ ببۊره

هۊن بئتر گه لالابی

لالابۊ رئه، وختی مننی، لالابۊ

بسۊج ؤ بساج

أندی گه هیچچی تی جی نۊمؤنه

شاید تی اؤ بؤنˇ همرأ دئبخؤنه هلی وکئه چی گۊتی ؤ چیچی جی سۊتی

بسۊج

بلأگیر

 


Cө'rө Nөvä Lăl'ă Bön?

Vөxti tă Gөb Zөni, Hamө'ä Qăr Girө.

Vөxti Tă Gөb Zөni, Sөrd ө Gөb Ti Sөr Hөvăr Bunө

Vөxti Tă Gөb Zөni, Zarx Nigă Tu Kün-Xulө'ä Sujänө

Hun Bëtar Gө Lăl Vөki ö Dë Cizi Nögi

Navөyrө Bөlă Lөškar Ti Sөr Fuxusө

Hun Bëtөr Gө Ră Dөki ö Tөnăi, Tărik Šö mën, Zulөmăt ө Mën'ä ji Dөvări

Šăyөd Suvayn'ө Fөndөri

Šăyөd Kukë Tө'rө Xu Hamrä Bөburө

Hun Bëtөr Gө Lăl'ă Bi

Lăl'ă Bu Rë, Vөxti Mөnni, Lăl'ă Bu

Bөsuj ö Bөsăj  

Andi Gө Hicci Ti Ji Numönө

Šăyөd Ti Ăö Bön ө Hamrä Dөbөxön'ө Hali Vakë Ci Guti ö Cici Ji Suti

Bөsuj

Bөl'ä Gir

 

Dămun Lөtrij

 

Siyă Mă Duvvom 1588 Giliki

۱ نظر موافقین ۰ مخالفین ۰ ۲۳ فروردين ۹۴ ، ۰۸:۱۷
دامؤن





دگردسن وا

موسکؤا دومبال بوشؤم تا گؤرکی پارکˇ ته
هوتؤ گه دگردسن وائه ایشتؤبسه دبوم
یته تاوسسؤنی شؤ آگوستˇ مئن خلاورؤن دوارسن
هوتؤ گه دگردسن وائه ایشتؤبسه دبون
دونیا کوج‌تره بؤ دره
هرگیز ویر کودی تونیم هندی نزدیکابیم؟ - برأرؤنˇ موسؤن -
آینده' شأنه نفس کشئن
تونم  همه‌جا وه‌ره حس بؤنم
وزنه دگردسن وا همرأ
مه‌ره ببور او رؤشن شؤ، جادویی لحظه مئن
اویه گه فرده زأکؤن دگردسن وائه خیالنن
خیابانˇ مئن قدم زنم
دور خاطره'‌ن گلابؤن دئبارˇ مئن همیشکˇ رئه
موسکؤا دومبال بوشؤم تا گؤرکی پارکˇ ته
هوتؤ گه دگردسن وائه ایشتؤبسه دبوم
مه‌ره ببور او رؤشن شؤ، جادویی لحظه مئن
اویه گه فرده زأکؤن سأم کونن خو خیالؤنه مو ؤ تی همرأ
مه‌ره ببور او رؤشن شؤ، جادویی لحظه مئن
اویه گه فرده زأکؤن دگردسن وائه خیالنن
دگردسن وا راست گنه زوماتˇ دیمˇ سر
یته توفانˇ موسؤن گه آزادی ناقوسه' زنه. ذهنˇ آسایشˇ رئه
وئلین شیمی «بالا لایکا»ؤن بوخؤنن اونچی گه می گیتار خأن بگون
مه‌ره ببور او رؤشن شؤ، جادویی لحظه مئن
اویه گه فرده زأکؤن سأم کونن خو خیالؤنه مو ؤ تی همرأ
مه‌ره ببور او رؤشن شؤ، جادویی لحظه مئن
اویه گه فرده زأکؤن دگردسن وائه خیالنن


ایه تونین ای ترانه' بئینین ؤ اصلی وؤته بوخؤنین

۱ نظر موافقین ۰ مخالفین ۰ ۱۹ فروردين ۹۴ ، ۰۹:۱۶
دامؤن

می دؤلۊسبزأ سامؤن خیلی زۊمات هیسه گه خۊرˇ رفاق نیشته تا شاید أفتؤ شبق اۊنˇ دیمهٰ بگنه، تا شاید اونه بئینن.


می وؤسۊسه مردۊم خیلی زومات هیسه گه یته قهرمانˇ رفاق هیسن تا بییه ؤ اۊشؤنه ویریسأنه، تا شاید ویریسن.


می وأکته مردۊم خیلی زۊمات هیسه گه سر بنأن زؤنۊ سر ؤ خؤره خؤره خؤسأنئهدرن. تا شاید دئه درد نکشن.


می سامؤن دؤلۊس نزأنأبی اگر مردۊم قهرمانˇ رفاق نئیسأبی ؤ زؤنۊ سر، سرˇ جأ خۊ دسهٰ بنأبی.


اگر خۊ لسˇ دستهٰ مۊشتاتهبی ؤ خۊ سرهٰ راسساتهبی.


اگر خۊ چیشمهٰ آسمؤنˇ مئن دۊجسهبی.


آخ اگر ای مردۊم دؤنسهبی.


 

Mi Dölus Bөzä Sämön Xөyli Zimăt Hisө Gө Xur ө Rөfăq Ništө Tă Šăyөd Aftö Šөbөq Un ө Dim'ä Bөgөnө. Tă Šăyөd Un'ө Bëynөn.

 

Mi Vösusө Mөrdum Xөyli Zumăt Hisө Gө Yөtө Qөhrөmăn ө Rөfăq Hisөn Tă Biyө ö Ušön'ө Virisänө. Tă Šăyөd Virisөn.

 

Mi Väkөtө Mөrdum Xөyli Zumăt Hisө Gө Sөr Bөnän Zönu Sөr ö Xörө, Xörө Xösänë Dөrөn. Tă Šăyөd Dө Dөrd Nakөšөn.

 

Mi Sămön Dölus Nөzä'nä Bi Agөr Mөrdum Qөhrөmăn ө Rөfăq Nөysä Bi ö Zönu Sөr, Sөr ө Jä Xu Dөs'ө Bөnä Bi.

 

Agөr Xu Lөs ө Dast'ä Mušt'ătө Bi ö Xu Sөr'ä Răs'sătө Bi.

 

Agөr Xu Cism'ä Ăsөmön ө Mën Dujөsө Bi

 

Ăx Agөr I Mөrdum Dönөsө Bi


۱ نظر موافقین ۰ مخالفین ۰ ۱۷ فروردين ۹۴ ، ۱۲:۵۹
دامؤن