دامؤن

دامؤنˇ ویرش

دامؤنˇ ویرش

دامؤن

۱۵۳

شنبه, ۲۴ خرداد ۱۳۹۹، ۰۴:۲۳ ب.ظ

۱

 

کۊرؤنا بۊمأ، بری آدمانˇ زیویشˇ مئن، ولی طبیعتˇ ره خۊب بؤ.

۲

 

آدمان همه چی-ہ سریع چاتن ؤ سریع خأنن. جۊری گه رینن زیمی مئن تا مثلن خۊ محصۊل-ہ ویشترآکۊنن ؤ خۊ زیویش-ہ بئترآکۊنن.

 

۳

 

هچی دؤونیم ؤ دؤونیم تا شاید (شاید) ۶۰ سالˇ پسی برسیم اۊیه گه خأنیم. ۶۰ سال دؤونیم تا نهایت ۱۰-۲۰ سال بزیویم.

 

۴

 

همه کسˇ سر کۊلا ننیم تا دۊ تۊمن ویشتر دربیأریم.

 

۵

 

همیشک تقصیران-ہ دیگری کۊل نهیم تا خۊ برئهکارانˇ سر سرپۊش بنیم.

 

۶

 

همه گۊنیم زیمی أمی نفسه، أمی مأره. ولی هر رۊز هر رۊز رئه دریم زیمی دل.

 

۷

 

ادعا دأریم گه آمۊ مؤجۊدانˇ سروریم، هی سروری همرأ خاک ؤ هوا یؤ آو ؤ مؤجۊدان-ہ نابۊدآته دریم.

 

۸

 

سرعت أمه ره خۊ أسیر چاته. همیشک دۊمبال دریم. ماشین أمه ره رؤباتآتئه.

 

۹

 

أخر خأسه بیم أمی سرعت-ہ کمآکۊنیم همه أمه ره تۊر دؤنن.

أخر خأسه بیم ماشینیزمˇ جی بیرۋجیم ماشینی آدمان أمی سر دؤمۊجنن.

 

۱۰

 

ماشینˇ همرأ جۊری یکی بۊبئیم گه ده أمه ره سخته ماشینˇ جی دۊر وکیم. ماشینی گه أمه ره أمی جی دۊرآتئه. ماشینی گه أمی چیشم-ہ کۊرآتئه. ماشینی گه أمی زیویش-ہ ناجۊرآتئه.

 

موافقین ۱ مخالفین ۰ ۹۹/۰۳/۲۴

نظرات  (۰)

هلئه هیچ گبی بزئه نوبئه

خسأنئن

ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی