آرمان میرزا
دوشنبه, ۳ آذر ۱۳۹۳، ۱۲:۵۶ ب.ظ
نحوهی قرار گرفتن اسلحه در دست افراد میرزا را با خود میرزا و سردارانش مقایسه بکنید. در
میرزا اسلحه نماد قدرت نیست. بر روی زمین است و میرزا دست خود را بر آن گذاشته؛
یعنی آرمان و تفکر من از گلوله برتر است اما امروز اسلحه برای من وسیله شدهاست.
در افراد جنگل اسلحه اولین چیزیست که وجود دارد. با چنان افتخاری با
اسحله نشانه میروند که گویی"ببین! من تفنگ دارم. باید به حرف من
گوش بدی" ... بههرحال
آگاهی چیز گرانبهاییست و
خیلی سخت به دست میآید. میرزا به دنبال آگاهی ملت بود. میخواست
نشان دهد که مهم مغزیست که بر روی اسلحه قرار دارد. کاش یاران
میرزا و حتی سرداران او اندکی آگاهتر بودند.
با تشکر از پادرا وندیداد عزیز بابت تحلیل قابل تأملشون
۹۳/۰۹/۰۳
متاسفانه ای روزؤن اوشؤنی گه خالی اسلحه' شناسنن و خأنن زورازوری همهکس اندیشه و فکره چاکونن خوشؤن فیکر مورسؤن و هرکی ایشؤن مورسؤن فیکر نکؤنه' انگ زئنن و یکچی دخؤنن کی بتؤنن تکفیر بکونن و بازین حذف و نابود، اوشؤن میرزا و این کردکار تفسیر و تأویلم منحصر بودن به خوشؤن و هیکسه اجازه ندئنن میرزا کار و کونوشه تفسیر بکونه. هرکی هرچی بوته تونداتوند یکته انگ و برچسب یاجنن و زئنن این پیشؤنیئه کی بتؤنن راحتتر بیچاره' حذفأکونن. ایشؤن کی خوشؤنه میرزا رهرو (اونم رهرو صادق!) دؤنن هوشؤنی ایسن کی میرزا زمتم ایسأبون و میرزا انگ و برچسب زئن. گوتن «تجزیهطلب» یا گوتن «چپ» یا گوتن «خرافاتی» یا گوتن «یاغی». ایشؤن هوشؤنی ایسن کیای روزؤن کنگره و سمینار و بزرگداشت و جشنواره گینن فنار-فنار و سکه و پول و تعارف هدأهگیر کؤنن زیبیل-زیبیل و خأنن بگؤن «خفأبین! میرزا هونی بو کی أمه گونیم و هونیه خأست کی أمه خأنیم. هرکی مخالفه پیش بأ تا اینه تام دگؤنیم.»
خوشؤن مراسم و جشنواره و کنگره مئن نی عکسیادگاری دسأجمعی گینن و هیتؤ هی تاتایی مورسؤن ژست گینن و خوشؤن فیکری اسلحه' کی خأ هرچی مخالف و دگراندیشه درجینه هیتؤ کی ای تاتایی مئن دئهدری راسأگینن و سینه سپر کؤنن کی: أمره نیگا بکونین. میرزایه وأبدین. أمره بینین!
تاریخ ولی خو کاره کؤنه. أمه دؤنیم کی اونی گه خو مخالف تحمله ندأنه و یک نفره انگ و برچسب زئنه و او انگ و برچسب وأسی اونه مستحق کیفر دؤنه، حتا أگه خیرخواه نی ببون هرگی منه خیر راشیه بمجه و هرگی منه راسه بگؤ.
ایشؤن تاریک فیکری و ستم و کورباش-دورباش گوتن و مخالف-خفهگودن و همه کسه دوشمن دئن کؤره و میرزا خلق و خو و منش و کونوش کؤره؟ میرزایی گه حتا خو دوشمن قزاقؤنه نکوشت و خو اسیرؤن همره گب زی. ایشؤن ویشتر خالوقوربانه مؤنن تا میرزا یا حتا احسانالهخان و حاجاحمد کسمایی. چون هیتؤ کی سردار عوضأبون و سردارجنگل ببون سردارسپه، ایشؤنأنی پلتولگ موسؤن دگردنن و هنده بناکؤنن انگ و برچسبزنی.
هین وأسیه کی میرزا اسلام و دیانت و ملیگرایی جی، اوجور «حریم امن» و «صفای باطن و ظاهر» و کؤگهیی چاگوده بنه کی اون مئن ارمنی و مسلمان و بیدین و کومونیست و چک و یونانی و آلمانی و گیلک و کورد و تورک و... تینن جیمأبون أگه آزادی و عدالت بخأن.
امما ایشؤن دیانت جی داعش و طالبان ویریسنه کی همه کار کؤنه تا خو مخالفه زمین بزنه.
اولی مخالف، این دوشمند همره تؤفیر دأنه.
دومی مخالف، این دوشمنده.