نیمجه
پنجشنبه, ۲۶ بهمن ۱۳۹۶، ۱۰:۲۶ ب.ظ
دۋ
هر را جی
جؤر شۊنه
ژیویر، ژگله، اۊشماره
هلؤله، هلؤله، هلؤله
تی چۊشمان خاو دره
خاو ئانؤشۊنی
تی چۊشم' ترس دره
می چۊشم' حسرت
بۊخؤس جؤن
بۊخؤس تی قتˇ قۊربان
هلؤله، هلؤله، هلؤله
بۊخؤس
شو تا همیشک شو نۊمؤنه
بۊخؤس
مۊ تی پلی بیدارکه مؤنم
ای سیا درازˇشو آخر گۊذرنه
أخه بال به بال وکیم
تم‌بزئه خاوˇ جی، ای خلک پرنه
أخه بال به بال وکیم
آفتاوˇ شٚوٚق أمی دیم' گنه
أخه بال به بال وکیم
هنده، خنده صدا، مردۊمˇ گۊش رسنه
أخه بال به بال وکیم
بۊخؤس جؤن
بۊخؤس تی قتˇ قۊربان
هلؤله، هلؤله، هلؤله
