دامؤن

دامؤنˇ ویرش

دامؤنˇ ویرش

دامؤن

لالابۊ

يكشنبه, ۲۳ فروردين ۱۳۹۴، ۰۸:۱۷ ق.ظ

چهره نوأ لالابؤن؟

وختی تا گب زنی همه' قار گیره

وختی تا گب زنی سردˇ گب تی سر هوار بۊنه

وختی تا گب زنی زرخ نگا تی کۋن خۊله' سۊجأنه

هۊن بئتر گه لال وکی ؤ دئه چیزی نؤگی

نهویره بلا لشکر تی سر فۊخۊسه

هۊن بئتر گه را دکی ؤ تنایی، تاریک شؤ مئن، ظۊلماتˇ مئنأجی دواری

شاید سۊأینه فندری

شاید کۊکئه تهره خۊ همرأ ببۊره

هۊن بئتر گه لالابی

لالابۊ رئه، وختی مننی، لالابۊ

بسۊج ؤ بساج

أندی گه هیچچی تی جی نۊمؤنه

شاید تی اؤ بؤنˇ همرأ دئبخؤنه هلی وکئه چی گۊتی ؤ چیچی جی سۊتی

بسۊج

بلأگیر

 


Cө'rө Nөvä Lăl'ă Bön?

Vөxti tă Gөb Zөni, Hamө'ä Qăr Girө.

Vөxti Tă Gөb Zөni, Sөrd ө Gөb Ti Sөr Hөvăr Bunө

Vөxti Tă Gөb Zөni, Zarx Nigă Tu Kün-Xulө'ä Sujänө

Hun Bëtar Gө Lăl Vөki ö Dë Cizi Nögi

Navөyrө Bөlă Lөškar Ti Sөr Fuxusө

Hun Bëtөr Gө Ră Dөki ö Tөnăi, Tărik Šö mën, Zulөmăt ө Mën'ä ji Dөvări

Šăyөd Suvayn'ө Fөndөri

Šăyөd Kukë Tө'rө Xu Hamrä Bөburө

Hun Bëtөr Gө Lăl'ă Bi

Lăl'ă Bu Rë, Vөxti Mөnni, Lăl'ă Bu

Bөsuj ö Bөsăj  

Andi Gө Hicci Ti Ji Numönө

Šăyөd Ti Ăö Bön ө Hamrä Dөbөxön'ө Hali Vakë Ci Guti ö Cici Ji Suti

Bөsuj

Bөl'ä Gir

 

Dămun Lөtrij

 

Siyă Mă Duvvom 1588 Giliki

موافقین ۰ مخالفین ۰ ۹۴/۰۱/۲۳
دامؤن

نظرات  (۱)

پیله برار
تی دیل خئلی پوره
دونیأ اَتأ نمأنه
أویج:
برأرٓ قوربان

فعلن گه هیتؤره

خسأنئن

ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی